Arenas í ótímabundið bann

Gilbert Arenas hefur verið settur í ótímabundið launalaust leikbann fyrir að sveifla óhlöðnum byssum - ekki bara einni, heldur fjórum - í búningherbergi Washington Wizards eftir æfingu um jólin.  David Stern sendi frá sér harðorða fréttatilkynningu í kjölfarið í gær.  Gilbert Arenas sendi einnig frá sér fréttatilkynningu með skottið á milli lappanna.  Javaris Crittenton er hins vegar ekki laus allra mála því það er umtalað að hann hafi sjálfur verið með HLAÐNA byssu í sínum fórum þennan dag.  Ljóta vitleysan og nokkuð ljóst að áhrifin frá þessu athæfi þeirra kumpána þennan dag á eftir að draga mikinn dilk á eftir sér, því háværar umræður eru nú um "siðferðisklausu" í samningum NBA leikmanna, sem felur í sér sjálfkrafa riftun á samningi verði leikmaður uppvís að broti á henni.