Íslenska útgáfan af "The Shot"

Mikið helvíti er ég pirraður út í Stöð 2 fyrir að láta þessa snilld víkja fyrir beinni útsendingu frá gaulinu í Idol í Smáralindinni!  En svona er þetta þegar menn vinna verkin með hálfum hug þá missa þeir af svona gullmolum.  Það getur allt gerst í körfubolta og það er margsannað.  Það er ömurlegt að hafa ekki orðið vitni af þessu.

Samkvæmt lýsingum fólks og tölfræði leiksins sýnist manni fljótt á litið hafa átt sér stað söguleg viðureign í íslenskum körfubolta.  Keflavíkurliðið er augljóslega með hjartað á réttum stað og gefst ekki upp fyrr en á seinasta blóðdropa.  Ég hef ekki verið mikill stuðningsmaður Keflavíkur í gegnum tíðina, reyndar fundist þeir óþolandi, en ég tek ofan fyrir þeim eftir þennan leik.  Þrátt fyrir að hafa verið sópað út 3-0 geta leikmenn Keflavíkur borið höfuð hátt eftir slíka baráttu.  Pellot-Rosa með svakalegan leik á hárréttu augnabliki.  51 stig (16/32, 18/21 í vítum), 14 fráköst, 8 stoðsendingar, 3 blokk og 2 stolnir!  Aðeins 4 tapaðir boltar eftir 58 mínútna leik.  Bilun.  Held ég hafi aldrei séð jafn háan framlagsstuðul í leik á Íslandi - 55 stig!!!  Jonni með 22 og 11, Siggi Þorsteins með 19 og 17 grip.

Hjá KR var Kobbi með triple-double, 31 stig, 10 fráköst og 12 stoðsendingar.  6 stolna bolta!  Jason með 30 og 13.  Hver annar en Golden Boy með ótrúlegt þriggja stiga skot í blálokin á annarri framlengingunni til að jafna og tryggja þriðju framlenginguna.  Þvílíkur leikmaður.  Snillingarnir hjá KR-TV skelltu inn á YouTube myndskeiði af seinustu mínútunum í annarri framlengingunni og skotinu.  Þeir ætla einnig að klippa saman hælæts úr leiknum og setja á netið.  Frábært framlag frá KR-ingum.

KR og Kef, hafið þakkir fyrir að sýna fólki hversu skemmtileg íþrótt körfuboltinn er.  Stöð-2, hafið big fat middle finger í loftið frá mér fyrir að klúðra þessu svona. 

Behold... The Shot

KR sigraði eftir fjórar framlengingar

Athugasemdir

[Ómar Ingi, 28.3.2009 kl. 11:20]

Í alvöru ef þetta á að vera plakat , þá yrði það fest inná starfsmannaklósetti KR heimilissins.

[Emmcee, 28.3.2009 kl. 11:31]

Góður punktur, Ómar.  Maður sér hins vegar fá plaköt af þriggja stiga skotum.  En ekki örvænta Ommi, þú færð afrit af plakatinu með næsta tölublaði af ABC sem þú ert áskrifandi að.

[Ómar Ingi, 28.3.2009 kl. 12:39]

HAHAHAHAHAHAHAHA

Bíð spenntur